اس ام اس تبریک نیمه شعبان به زبان ترکی با ترجمه فارسی
در ادامه جدیدترین و زیباترین متن و پیامک تبریک نیمه شعبان به زبان ترکی و اس ام اس تبریک نیمه شعبان به زبان ترکی و ترجمه فارسی و تبریک ولادت حضرت مهدی به زبان ترکی و تبریک نیمه شعبان به آذری را در نم نمک ببنید.
اس ام اس تبریک نیمه شعبان به زبان ترکی برای اینستاگرام ، تلگرام و واتساپ :
اس ام اس تبریک ترکی نیمه شعبان با ترجمه فارسی
بیر گون گلجک
تقویم لرده یازیلاجاق :
حضرت مهدی نین ظهورونون ایل دونومو
اللهم عجل لولیک الفرج
♣♣♣
هاممی دییر تعجیل ظهورینده صلوات
کئشکه بو هفته دییک تبریک حضورینه صلوات..
اللهم عجل لولیک الفرج
♣♣♣
"مهدی (عج) گلدی"
بیر گون بوتون اس ام اس لر بو اولاجاق...
شعر ترکی نیمه شعبان ولادت حضرت مهدی (عج) از شهریار
کولدن یانیب دولوبدو اوجاقلار هایانداسان؟
یوخ بیر گولوش سولوبدو دوداقلار هایانداسان؟
هر ایل عزیزله دیک آقاجان شعبان اون بئشین
سسلیرله پوفله شمعی اوشاقلار هایانداسان؟
هر جومعه گلمیشیک گله سن جمکران یولون
چالدی قابار یولوندا ایاقلار هایانداسان؟
سسلیر ” نبی ” دوزه نمیریک آنجاق اوزاقلیقا
گلسن گلر دوباره قاچاقلار هایانداسان؟
بیزده دوزه نمیریک داها آرتیق فراقینا
سیللی له آل قالیبدی یاناقلار هایانداسان؟
زرتشت یاندیران آلاوین ایستیسی گئدیب
کولدن یانیب دولوبدو اوجاقلار هایانداسان؟
♣♣♣
شعر فارسی نیمه شعبان از شهریار
دلم شکستی و جانم هنوز چشم به راهت
شبی سیاهم و در آرزوی طلعت ماهت
در انتظار تو چشمم سپید گشت و غمی نیست
اگر قبول تو افتد فدای چشم سیاهت
زگرد راه برون آ که پیر دست به دیوار
به اشک و آه یتیمان دویده بر سر راهت
بیا که این رمد چشم عاشقان تو ای شاه
نمی رمد مگر از توتیای گرد سپاهت
بیا که جز تو سزاوار این کلاه و کمر نیست
تویی که سوده کمربند کهکشان به کلاهت
جمال چون تو به چشم و نگاه پاک توان دید
به روی چون منی الحق دریغ چشم ونگاهت
در انتظار تو میمیرم و در این دم آخر
دلم خوشست که دیدم به خواب گاه به گاهت
اگر به باغ تو گل بردمید و من به دل خاک
اجازتی که سر برکنم به جای گیاهت
تنور سینه ما را ای آسمان به حذر باش
که روی ماه سیه می کند به دوده آهت
کنون که می دمد از مغرب آفتاب نیابت
چه کوه های سلاطین که می شود پر کاهت
تویی که پشت و پناه جهادیان خدایی
که سر جهاد تویی و خداست پشت پناهت
خدا وبال جوانی نهد به گردن پیری
تو شهریار خمیدی به زیر بار گناهت
مجموعه کامل شعر و مولودی امام زمان و نیمه شعبان به زبان ترکی و آذری
اس ام اس تبریک ترکی نیمه شعبان با ترجمه فارسی
ای فرج انتظارین چکنلر
آزدیون باغریمز ، قانه دوندی
نرگسی گُول ، وئروب غنچه بیرگول
سامره شهری رضوانه دوندی
گوزلروز اولسون ای شیعه ، روشن
عالمی ائیلیوب ، صحن گُلشن
بوگونون مثلی ، گون چیخمامیشدان
نور حق ، شرقدن اولدی پیدا
گوزآچوب عالمه مظهرحق
گون کیمی ، نوری اولدی هویدا
شمع رخساری گویده سالوب نور
تاپدی زینت ، بوگون ، عرش اعلا
گوزلروز ، اولسون ای شیعه ، روشن
عالمی ائیلیوب ، صحن گلشن
نورحق جلوه لندی بوگونده
ماسوَالله ، اولوب نورَ باران
پرده دن چیخدی مهردل آرا
عالمی ائیلدی ، چلچراغان
گون کیمی جلوه گردورجمالی
یئرده گون ، گویده ماهِ درخشان
گوزلروز ، اولسون ای شیعه ، روشن
عالمی ائیلیوب ، صحن گلشن
آچدی بیرگول ریاض ولایت
هیچ گلستاندا بئیله گول اولماز
باغ رضوان گُلوندن گوزلدی
گور نئجه عطری آفاقه دولماز
هرزمان تازه دورعطری واردی
مین خزان اولسا بوغنچه سولماز
گوزلروز ، اولسون ای شیعه ، روشن
عالمی ائیلیوب ، صحن گلشن
ای صبا مژده زهرایه گئت وئر
منتقم اوغلی دنیایه گلدی
یئریوزون ائیلیوب رشگ جنت
عالمه وئردی پیرایه گلدی
آلماقامحسنون ، انتقامین
اودسالا قلب اعدایه گلدی
گوزلروز ، اولسون ای شیعه ، روشن
عالمی ائیلیوب ، صحن گلشن
شاعر : احد عدل جوی غازانی
مولودی آذری نیمه شعبان در ولادت امام زمان
قویدی کونه قدم - خاتم اوصیا - مهدی ذوالکرم - وارث مصطفا - مرحبا مرحبا ، مرحبا مرحبا
خسرو خسروان - شاه عرش آستان - دائما گل آدی - زیب هر داستان - مرحبا مرحبا ، مرحبا مرحبا
رهبر راستین - سرور راستان - گلدی بو عالمه ، - بیرگوزل رهنما - مرحبا مرحبا ، مرحبا مرحبا
آچدی دنیاده گوز - جسمده جانیمیز مایه فخریمیز - عزت و شأنمیز - مرحبا مرحبا ، مرحبا مرحبا
شانلی سلطانیمیز - جان و جانانمیز - بئیله مولوده دئ ، مرحبا مرحبا - مرحبا مرحبا ، مرحبا مرحبا
شاخ گولدن آچار - نرگس مست وناز بوگل اماتاپوب - بیر گوزل امتیاز - مرحبا مرحبا ، مرحبا مرحبا
نرگس دیندن - باش وئروب سرفراز وئردی بو عالمه - گول جمالی صفا - مرحبا مرحبا ، مرحبا مرحبا
جانب شاهدن - دوزدی عسگرگلر - عسگریدن گلوب - بوشه منتظر - مرحبا مرحبا ، مرحبا مرحبا
اولدی چارده شبه - مه کیمی جلوه گر - مهدوی جلوه سی سالدی کونه ضیا - مرحبا مرحبا ، مرحبا مرحبا
صورتا خاتمِ - انبیایه مثل - نور رخساره سی - نور صبح ازل - مرحبا مرحبا ، مرحبا مرحبا
دوزلولاردوزلوسی - هرگوزلدن گوزل حسنی حیران قویان یوسفی برملا - مرحبا مرحبا ، مرحبا مرحبا
خنده سیندن گو لر - غنچه لر باغده - گل چیچک باش وئروب - سینه داغده مرحبا مرحبا ، مرحبا مرحبا
ائتدی آهولری - شادمان راغده - بلبله گُول دئدی ، حَبذا - حَبذا - مرحبا مرحبا ، مرحبا مرحبا
بو اوشه دور ، قورار - عدل دیوانینی بو جهاندا ، ییخار - ظلمین ارکانینی - مرحبا مرحبا ، مرحبا مرحبا
اشقیادن آلار - جدینین قانینی - آناسی فاطمه - قلبینه سو سَپَر - مرحبا مرحبا ، مرحبا مرحبا
جدی پیغمبری قلبدن شادائدر - سسلنر مرتضا - ، مرحبا مرحبا
مرحبا مرحبا ، مرحبا مرحبا
شاعر : مرحوم حاج صادق المتخلص (تائب)
اشعار ترکی میلاد مسعود حضرت ولیعصر (ع)
گلدی دنیایه مهدی موعود
شیعیانه اولوب عید مسعود
بوحبیب حق لم یزلدی
یوسف مصردن چوخ گوزلدی
ائتدی دنیانی طرفه گلستان
عالم اولدی بوگون خلد رضوان
گلدی بوعالمه شاه خوبان
بوحبیب حق لم یزلدی
یوسف مصردن چوخ گوزلدی
گُل آچوب گلستان امامت
هانسی بیر گل ده وار بو طراوت
عالمی چولقیوب عطر جنت
بوحبیب حق لم یزلدی
یوسف مصردن چوخ گوزلدی
گلمیوب بیله گل گلستانه
مرحبا بسلی ین باغبانه
شیعه لرایستوری عیدیانه
بوحبیب حق لم یزلدی
یوسف مصردن چوخ گوزلدی
کیمده وار بئیله بیر شأن وعزت
هانسی بیر شه ده وار بو جلا لت
واردی کتفنده مهر امامت
بوحبیب حق لم یزلدی
یوسف مصردن چوخ گوزلدی
ائتدی بوشه ازل ذکرسبحان
خالقه عرض ائدوب حی منان
دین و قرآنه اولام نگهبان
بوحبیب حق لم یزلدی
یوسف مصردن چوخ گوزلدی
فخرائدر زاده مصطفادی
دین وقرآنه بو رهنمادی
اهل دیل آختارار با وفادی
بوحبیب حق لم یزلدی
یوسف مصردن چوخ گوزلدی
شأنی حیران قویوب انبیانی
شادائدوبدور دل مرتضانی
خاصه شاهنشه کربلانی
شاعر : حاج میرزا حیدر مدحی
عرض ارادت به حضرت ولی عصر (عج)
صاحب الزمان مهدی لاله جنان مهدی
آدوه ازل گوندن عاشقم اینان مهدی
یوسف دل آرا سن بند قلب طا ها سن
شیعه لر سنه قربان سن عزیز زهراسن
آدوه ازل گوندن عاشقم اینان مهدی
هیکل عدالتسن پیکر شرافتسن
چیخ حجاب غیبتدن سن ولی رحمتسن
آدوه ازل گوندن عاشقم اینان مهدی
نور کبریا مولا یار باوفا مولا
ازبریم اولوب دائم یا حبیبی یا مولا
آدوه ازل گوندن عاشقم اینان مهدی
سن امام برحق سن باغ دینه رونق سن
گون مثالی تابانسان عرش عشقه الحق سن
آدوه ازل گوندن عاشقم اینان مهدی
(چشمه صفا سن سن گوزلره ضیا سنسن
درد عشقه دنیاده ائی لی ین دوا سنسن)
شاعر : غفاری اردبیلی
سرود تولد حضرت ولی عصر (عج)
شب چراغ حق گلدی
ظلمته شفق گلدی
اولدی نیمه شعبان
جانلارا رمق گلدی
لطف ائدوب حق معبود
گلدی مهدی موعود
یئریوزی اولوب گلشن
شیعه لر گوزوز روشن
شیعه لر ائدون شادی
اولدی یوم میلادی
گلدی اشبه طاها
اسم پاکی ئوز آدی
لطف ائدوب حق معبود
گلدی مهدی موعود
یئریوزی اولوب گلشن
شیعه لر گوزوز روشن
گلدی یوسف زهرا
عدلیلن دولار دنیا
مرتضی اولوب خندان
شاد کام اولوب طاها
لطف ائدوب حق معبود
گلدی مهدی موعود
یئریوزی اولوب گلشن
شیعه لر گوزوز روشن
بیت عسگری الان
عرشی اولدی نور افشان
نرجسه ائدوب الله
لطفینی بوگون ارزان
لطف ائدوب حق معبود
گلدی مهدی موعود
یئریوزی اولوب گلشن
شیعه لر گوزوز روشن
شاعر : بیوک داودی زنجانی
سرود میلاد حضرت مهدی (عج) - آهنگ ای قلم (ترکی ، فارسی) شاعر : غفاری اردبیلی
ای گل باغ حیدر کجائی
بند قلب پیمبر کجائی
دل دگر خون شدازهجررویت
ای پرستوی کوثر کجایی
طاقت دوریت را ندارم
جز وصالت تمنا ندارم
در بیابان چو لب تشنگانیم
ره به دامان دریا نداریم
عطر خود گل زبویت گرفته
بوسه از خال رویت گرفته
نیمه شب بعد هرسجده گریان -
عاشقت رو به سویت گرفته
ای گل باغ حیدر کجائی
بند قلب پیمبر کجائی
شام هجران خودراسحرکن
ازسرکوی ما هم گذر کن
ای شهنشاه صاحب عدالت
از کرم بر گدایان نظر کن
ای گل باغ حیدر کجائی
بند قلب پیمبر کجائی
بلبلون گوگلی گلزارین ایستر
عاشقین قلبی ئوز یارین ایستر
آند اولا جان زهرایه مهدی
دل گلوب درده دلدارین ایستر
باغبان اولماسا گلستاندا
لاله گلشنده قالماز اماندا
لاله لر مثلی قاندی ئورکلر
آیرلق بسدی قالدون هایاندا
درد هجرانوه یوخدی درمان
چوخ چتیندور آقا درد هجران
گل سنی زینبین جانی مولا
سن گلن یوللارا شیعه قربان
عاشقین درد هجرین بیلن یوخ
گوز یاشین صورتندن سیلن یوخ
بیر زماندور کی بی کس یتیمون
باشینه گلمسون ال چکن یوخ
سرود آذری نیمه شعبان
ای شرف عالمیان آقا یابن الحسن
ای سبب کون و مکان آقا یابن الحسن
ای یوزی گل صحبتی گل ئوزی گل آدی گل
ای گوزی گل طلعتی گل سوزی گل یادی گل
خلقتی گل نسبتی گل هامی اجدادی گل
مصلح آشوب جهان آقا یابن الحسن
پرده غیبتدن اگر یوزون ائتسون عیان
آی دولانار ، باشوه ای ، گل باغ جنان
اینجی کیمی انجم الر باشووا آسمان
زهره اولار رقص کنان آقا یابن الحسن
بیز گل نرگسده اولان عطره مستانه یوخ
نیمه شعباندا آچان گله دیوانه یوخ
شمع امامتده یانان نورا پروانه یوخ
ائیلمشوخ ورد زبان آقا یابن الحسن
ماه ولادتدی شها مه شعبان سنه
سوره والعصری خدا ائدوب احسان سنه
آیه جاء الحقی حق وئروب اعلان سنه
وصفوه قاصردی بیان آقا یابن الحسن
دوندی فراقوندا اورک قانا فریاده گل
غملریمیز گلمز آقا صانا فریاده گل
بعضیلر ایستور فرجون دانا فریاده گل
آچ علم امن و امان آقا یابن الحسن
شاعر : کریمی مراغه
سرود ترکی تولد امام زمان(عج)
ای باغ زهرانین گلی
یا ابا صالح یا ابا صالح
یعقوب عشقه سوگلی
یا ابا صالح یا ابا صالح
وارث حیدر ، جان پیغمبر ، یا ابا صالح یا ابا صالح
ای یادگار مصطفی ، یا ابا صالح
دل تاپدی عشقوندان صفا ، یا ابا صالح
جانلار سنه قربان آقا ، یا ابا صالح
ای گل ایمان - رحمت رحمان ، یا ابا صالح یا ابا صالح
نو گل طاها - یوسف زهرا - یا ابا صالح یا ابا صالح
گل ای امام منتظر یا ابا صالح
دل کوچه سندن سال گذر یا ابا صالح
بو عالمه ائیله نظر یا ابا صالح
جلوه جانان جان سنه قربان یا ابا صالح
یا ابا صالح یا ابا صالح یا ابا صالح
ای مصلح روی زمین یا ابا صالح
وی شهریار ملک دین یا ابا صالح
هجرونده اولدوق دل غمین یا ابا صالح
آیت سبحان - صولت یزدان یا ابا صالح یا ابا صالح
ای دین حقین یاوری یا ابا صالح
صلح و صفانین مظهری یا ابا صالح
ائیله طبابت دیللری یا ابا صالح
یاور قرآن - یار ضعیفان یا ابا صالح ، یا ابا صالح
سن ملک حقه شاهسن یا ابا صالح
برج شرفده ماهسن یا ابا صالح
دل دردینه آگاهسن یا ابا صالح
وارث حیدر ، جان پیغمبر ، یا ابا صالح ، یا ابا صالح
گلچین اشعار ترکی برای سرود و مولودی امامت و ولادت حضرت ولیعصر
شعر ترکی مولودی حضرت امام زمان (عج)
خامه زرین نگار الده خمار و بیقرار
وادی حیرتده اولدوم ساقی عشاقه یار
ساقی عشاق نه بل علت کل خلق
جوهر ذاتیندن اشیای خلقده وار نسق
مکتبینده علم عقلی علم نقلی بیر سبق
کل موجوده وئروب ذاتی حیات مستعار
ساقی عشاق نه بل هادی کل الورا
والی ملک ولایت وارث اهل کسا
زاده زهرا ولی حق عزیز مرتضی
نه فلک تاپمیش وجود نازنینندن قرار
مقدمیندن بوس ائدر خورشید هنگام بزوغ
معنی والشمس عذاری پر فروغ و پر فروغ
مدحینه یوخ فکرتیمده قدرت حد بلوغ
وار امیدیم طبع موزونه اولا دلدار یار
جامع جمع کتاب جامع رب الفلق
ذره نوری وئروب خورشیده انوار شفق
راکع درگاهی اشیای عوالم بالتفق
پیشگاهینده قمرلر ساجد کامل عیار
مصدر انوار رب اولین و آخرین
مظهر اوصاف نیک رحمت للعالمین
مقتبس نور رخیندان نخله طور سنین
محضرینده موسی عمران اولوبدور کامکار
هیکل توحیدی اولموش مرتضایه مستوی
یمن نوریندن اولوب اجرام کیهان منطوی
نورینی درک ایلینمز غیر شخص معنوی
اهل معنادور جهاندا زمره مردان کار
عارضی انوار قدس عرشدن ملفوفدور
اهل معنی چهره سین گورماقیله مشعوفدور
درک ائدنمز نورخورشیدی او که مکفوفدور
ور نه افزون مهردن گون صورتی خورشید وار
وارث کل علوم انبیای ایزدی
قائم آل محمد نور ذات احمدی
مظهر ذات و صفات معنوییه اب جدی
هیکل توحیدی خلاق ودوده شاهکار
پرده غیبتده پنهان لیک اهل کثرته
پرده غیبتده پیدا لیک اهل وحدته
قالمیشام دریای حیرتده رموز قدرته
روز غیبتدن اولوبدور پرده ساز و پرده دار
ای کلامی وحی منزل هادی اهل ولا
وی جمالی ملمع انوار ذاتییه خدا
انتقام فاطمه قویما شها یئرده قالا
موتدن پر سوزدور عشاقه داغ انتظار
دل بسان محبسی الفت تاپوب زنجیرلن
حفظ آرامش ائدر جام می شبگیرلن
نوش ائدر دل باده شبگیرینی شبگیرلنباده شبگیر ائدر شبگیری آخر سربدار
شاعر : استاد شبگیر تبریزیم
شعر در وصف حضرت امام زمان (عج)
در آهنگ : ایران...فدای اشک و خنده تو
مولا......
غلام درگهوندی عیسی
الونده دور توان موسی
گل آل اله عصای قدرت
سن ای جلال دست بیضا
یوزوندی ماه و مهر باهِر
خدا جمالی سنده ظاهر
ایدوبدی هیبتونده یزدان
سنی ولی ِ حق ِ قاهر
جهانیانه مُلتَجاسن
امیدگاه ماسواسن
ویروبدی وعده وی خداوند
بو عالمه اوزون رجاسن
غریب لر قریبی سنسن
حبیب لر حبیبی سنسن
مریض عشقوه دوا ویر
طبیب لر طبیبی سنسن
سولوبدی گلستاندا سنبل
نوا ایدر بو غمده بلبل
چمنده قالمیوب طراوت
دو گل بو گلستانه ای گل
قالوبدی یرده خون اصغر
او شیرخواره طفل مضطر
گل آل اوزون او قانی آقا
سونه شرار قلب اکبر
شاعر : مختار وطن پرست (نگین)
سرود ولایت ولادت ترکی حضرت امام زمان (عج)
گوگل آچلماقینی گلستانه ساخلامیشام
بیان دردی امام زمانه ساخلامیشام
اگر یتیشسه الیم دامن مبارکینه
اورکده چوخ سوز ، او شاه جهانه ساخلامیشام
حضور پاکنی درک ایلسم اورک داغین
ثبوت عشقینه دلده نشانه ساخلامیشام
سم سمندینی پاک ایتماقا ، گوزوم یاشنی
ببر عمردور که الیمده بهانه ساخلامیشام
باش اگمرم فلکه ، گر چه چوخ حقیرم من
باش اگماقی اول شاه انس و جانه ساخلامیشام
اوزی بولور اورگیمده نه قدری دردیم وار
او دردی محضر شاه جهانه ساخلامیشام
او دردیمون بیری ، من نوکرم حسینه بولور
قبولینی ائله بیر آستانه ساخلامیشام
او مهرباندی ، اگر چه اوزوم گنهکارم
گذشتنی ائله بیر مهربانه ساخلامیشام
نولور گورم دیه گل مرثیه اوخی آقاما
بو آرزونی ، او خوش وقت و آنه ساخلامیشام
دیماقه دردیمی بیر اهل دل تاپانمامشام
او دردی ، عالم سر نهانه ساخلامیشام
بو بیتی ورد ایله عاصی نه قدری عمرون وار
گوگل آچلماقینی گلستانه ساخلامیشام
اگر چه عاصیم ، اما بو سوز بیانیمدور
بیان دردی امام زمانه ساخلامیشام
شاعر : عاصی زاده ( آثم)
شعر ترکی حضرت امام زمان (عج) مدیحه انتظار
سبک : تو مشکتو توآب زدی
بیر عمردور یوللاریوا من تیکمیشم گوزلریمی
یانایانا آغلامیشام دیه دیه سوزلریمی
جوانلیقیم گیتدی الدن هاردا قالوبسان
فراقوندا صبر و تابی الدن آلوبسان
دوزنمورم گَل دوا ایله سن بودرده
منی آخر بو یامان درده سن سالوبسان
آقام گَل.......
گناهیم ازبس چوخ اولوب گوزلریمه پَرده سالوب
گورنمورم گول یوزووی حسرتی قلبیمده قالوب
لیاقت یوخدور سنی گورماقه گوزومده
اوز اعمالیمدن خجالت اولدوم اوزومده
گناهیم باعثدی سندن من آیری دوشدوم
نه آهیمده بیر اثر واردور نه سوزومده
آقام گَل.......
یوزی قره عاشیقیوم رحم ایله سوزِ آهیمه
آقا سنی آنان جانی باخما منیم گناهیمه
اوروم بولورم کی مولا نالایقم من
خطاکارم جُرمومه اما صادقم من
گذشت ایله قلبیوی چوخ سیندیرمیشام من
بولورسن اما جمالیوه عاشقم من
آقام گَل.......
کور ایلیوب خطالریم دوزدی سنی گورنمورم
سنون قاپوندان ولی من آیری یره گیدنمورم
هارام واردی غرق بحرِ حُزن و ملالم
اسیرِ دردم گرفتار مین خیالم
الیمدن گر دوتماسان من بیچاره اوللام
منی قووما درگهوندن ای شاه عالم
آقام گَل.......
آلوده معصیتم خجالتم سندن آقا
نولور کی رحمت گوزووی چکمیه سن مندن آقا
منه باخما من گنهکارم رو سیاهم
کیچیک عبدم سن ولی مولا شاه عالم
سن اما اوز لطفووی کسمه بو باشیمدان
یوزی قاره بیر خطاکارم بی پناهم
آقام گَل.......
بو(بیکَسین)جوانلیقی گیدور الیندن هارداسان
محالیدور گوزل آدون دوشه دیلیندن هارداسان
او زهرایه بَنزیَن گوزلرده گوزوم وار
قولاق ویرسن قلبیده گیزلین بیر سوزوم وار
دعا ایله قورتارا الله بو فراقی
قوجالدیم مولا داخی درده نه دوزوم وار
آقام گَل.......
شاعر : مهدی عبادی
شعر مولودی ترکی در وصف حضرت امام زمان (عج)
ای شوق وصالینده اورگلر تلسن گل
ای حسرتینه امتی گوز یاشی توکن گل
چوخداندی کی گوز یولاریوا تیکمیشوق اما
عالم بیزه سنسیز دای اولوب بیت الحزن گل
چوخداندی اورگلر تلسور بغض گلوده
چیخ کعبدن ای امتینه ناز الیین گل
چوخداندی خریداریلرون منتظروندی
ای الرینی یوسف کنعانی اوپن گل
چوخداندی پریشان اولونوب زلف غمونده
ای مهریله بو زلفولره شانه چکن گل
چوخداندی سونوب شمع عدالت یئر اوزونده
ای ظلم و جفانی یئر اوزوندن ایتیرن گل
چوخداندی علینون قاپوسی باغلی قالوبدی
ای ریشه بیداد و ستمکاری کسن گل
چوخداندی آنان فاطمنون قبری تانینمور
ای فاطمنون غملی مزارین تانیین گل
چوخداندی کی الماسی یازیر مدح وثناوی
ای طبعینی زیبا قلمین تیز الیین گل
شاعر : الماسی اهری
شعر ترکی حضرت امام زمان (عج)
قراریم یوخ تلاطمده اورک هر آن
اولوب سنسیز ایشیم هر صبح و شام افغان
الیمدن دوت الینده وار گوزوم ای جان
سلام آقا سلام ای یوسف زهرا
سلام آقا سلام ای سر مافیها
دوتار گویلوم سراغون باد مشرقدن
گیچور عمروم آمان غملی دقایقدن
تفضل قیل گوتور پرده حقایقدن
سلام آقا سلام ای یوسف زهرا
سلام آقا سلام ای شاخه طوبی
اورکده درد هجراندان حکایت وار
سینوب گویلوم فراقوندان شکایت وار
امیدیم وار وصال یاره غایت وار
سلام آقا سلام ای یوسف زهرا
سلام آقا سلام ای دیللره یارا
گدای ساحت آل اللهم ای شاه
ندور چاره سیزه دیل اولدی خاطر خواه
فراقوندان اوجالمیش ناله جانکاه
سلام آقا سلام ای یوسف زهرا
سلام آقا سلام ای ظل استغنا
گدای کویون اولماقیم کفایتدی
خدیو عالم اولماقه نه حاجتدی
اورکده شعله ور عشق ولایتدی
سلام آقا سلام ای یوسف زهرا
سلام آقا سلام ای نص (ارسلنا)
گلر بیر گون گیدر اسراریدن پرده
وراللار بیرق مهدینی هر یرده
اولار سهله مصلاسی سراپرده
سلام آقا سلام ای یوسف زهرا
سلام آقا سلام ای میر سامرا
شاعر : حاج علی زلفی تبریزی
شعر ترکی حضرت امام زمان (عج)
تِزگل آقا بیرعمریدی چشم انتظارووَم
یوخدور دوزوم بو آیریلیقا بیقرارووَم
یاتماز سنون غمونده گوزوم صبحه جک شَها
تا گون چیخینجا هرگجه شب زنده دارووَم
قورتار بو انتظاری که هجرانه یوخ دوزوم
چون عاشق حزین و دل افگار و زارووَم
جانیم فدا گلن یولووا ، یابن فاطمه
گل قوی قَدم بو گوزلریمه جان نثارووَم
بیلمم یولون هایاندی سَپَم گول ولی ئوزوم
خاک رَهِ محل عبور و گذارووَم
هر گون چتیندی آیریلیقون یوخ سوزوم ولی
هرجُمعه گون باتان چاقی چوخ اشکبارووَم
باخسون گوزآلتی عالَمَه یکسر صفا تاپار
شهلا گوزیله باخ منه مولا خمارووَم
گَلسون چیچکلنر سارالان باغ و گلستان
بیر غنچا مثلی تشنه یِ ابرِ بهارووَم
چون تاپشیروب نبی بیزه قرآن و عترتی
هم عامِلِ کتابم و هم غمگسارووَم
(فیضی) قویوبدی یوز قاپووا فیضیاب اولوب
ارباب ذوالکَرم سن آقا ریزه خوارووَم
روحیم ، آتام ، آنام اولا قربان جلالووه
فخریم بودور که نوکر ایل و تبارووَم
شاعر : فیضی
اشعار ترکی حضرت امام زمان (عج)
مهدی ای حجت الهی
شیعه نون ملجاء و پناهی
جان فدا حُسنووه کی سن سن
عالمین شهریار و شاهی
قیل نظر دردیمه دوا ایله اوزون
قلبیمی غصه دن رها ایله اوزون
ابا صالح ابا صالح
ای شهنشاه بی قرینه
دلبر و یوسف مدینه
جلوه ده یوخ سنون نظیرون
حیدره ای سُرور سینه
دل دوشوب اشتیاقه زهرا بالاسی
یانیرام بو فراقه زهرا بالاسی
ابا صالح ابا صالح
ای منیم مهربان نگاریم
وی من شاه تاجداریم
آند اولا شاه کربلایه
سن سن عالمده افتخاریم
افتخار ایلورم سیزون نوکروزم
خوش منیم حالیمه گدای دروزم
ابا صالح ابا صالح
شاعر : استاد دلجو
شعر ترکی حضرت امام زمان (عج)
ای جهانین خلقینه رمزبقا یابن الحسن
جانوه عالملرین جانی فدا یابن الحسن
ای تاپان نورجمالیندان جهان ضوء و ضیا
وی وجودپاکینه وابسته نفس ما سو ا
اولماسا فیض عنایاتون اولار عالم فنا
ماسواللهی دوتار یکسر بلا یابن الحسن
سن جمال اللهَ آیت سن ، جهانِ حسنده
سن اوگونسن یوخ نظیرون آسمان حسنده
حُسنه حُسن آرتیرمیسان سن خاندان حسنده
حُسنلرسندن تاپیبلار اعتلا یابن الحسن
سن اومولاسن وئریب نورون جهانه اعتبار
سن اومولاسن وجودونلا تاپیب عالم قرار
خوان یُمنوندن جهان اهلی اولوبلار ریزه خوار
ای سنه کون ومکان ، خوانِ عطایابن الحسن
سن مراد و مقتداسن انس وجانِ خلقته
سن گُلِ زینت فزا سن گلستان خلقته
سن ولیِ امرِ مطلق سن جهان خلقته
یوخ ولی امرِدین سندن سوا یابن الحسن
سیدی خلق جهانین همتی باطل ده دی
جمله غملر خاطر ناشاد اهل دیلده دی
ای پناه سیزلار پناهی شیعه لر مشکلده دی
ای هامی مشکل لره مشکل گشایاابن الحسن
ای گلستان امامتده گل خوشرنگ و بو
وی جهان خلقته لطف وجودون آبرو
ائیلیری اهل ولا فیض حضورون آرزو
ای امید و ملجاء اهل ولا یابن الحسن
سیدی گر اولموری قسمت منه فیض حضور
وای منه جای گلایه یوخدی مندندی قصور
سن ئوزون ای مظهر لطف خداوند غفور
قیل نظر ائله منی مندن رها یابن الحسن
ای دیار حُسنده فرمانروای ِکامران
تک نه من ، مشتاقِ دیداروندی عشاقِ جهان
سن امیر ملک عزت ، من گدای آستان
شه یوزون گورسه نولار ، مسکین ، گدا ، یابن الحسن
سیدی سن مظهر و معنای سر الله سن
قلب عالم سن هامی اسراردن آگاهسن
شاه راه عزته روشن دلیل راه سن
دوز یولی آزدی ، اولان سندن جدا ، یابن الحسن
سیدی من گرچه سر عشقدن نا آگهم
دل خوشام اما که عمرومجه گدای درگهم
مقدم شهده الیم یئتسه اگر خاک رهم
بیر نولور بیر لحظه دیدارون اولا قسمت منه
هرایکی دنیا اولا سرمایه عزت منه
سن دعا ائت حق عنایت ائیله سین رجعت منه
شعر ترکی حضرت امام زمان (عج)
احوالیمیز یاماندی یابن الحسن داریخدوخ
گل هارداسان آماندی یابن الحسن داریخدوخ
مولا بولودلارا تای گوزلر دولوبدی سنسیز
بلبل گلوب فغانه بی تاب اولوبدی سنسیز
یوخ رونقی بهارین گللر سولوبدی سنسیز
گلزاریمیز خزاندی یابن الحسن داریخدوخ
دنیا دئمه نه دنیا زندانیدن یورولدوخ
گلدوخ جانا فشار دورانیدن یورولدوخ
گوز تیکموشوق وصاله هجرانیدن یورولدوخ
دای صبریمیز تالاندی یابن الحسن داریخدوخ
احباب اهل بیتین سنسن گوزل حبیبی
ای کاش وصلون اولسون عاشقلرین نصیبی
یوخدور بو اهل دردین سندن صورا طبیبی
چوخ دردیمیز نهاندی یابن الحسن داریخدوخ
عشق اهلی سیل اشکی رخساره باغلیاللار
آهیله فرقتونده چوخ سینه داغلیاللار
جمعه غروب اولاندا حسرتله آغلیاللار
گوز یاشیمیز رواندی یابن الحسن داریخدوخ
نار فراقی سوندور ای شیعه نین نگاری
یاندیرما بوندان آرتیق عشاق بی قراری
زهرایه آند وئروق قورتار بو انتظاری
هجران غمی گراندی یابن الحسن داریخدوخ
ماه محرم اولدی گَلدی حسین عزاسی
صاحب عزا ئوزونسن ای مجلسین صفاسی
قاره گینلر اولسون گوز یاشیوین فداسی
جانلار غمونده یاندی یابن الحسن داریخدوخ
دوزدی امام عصره چوخلار اولوبدی عاشق
عاشق ولی اودورکی اولسون ظهوره لایق
سنده هانی لیاقت بسدور دانیشما «ص آدمادق»
عشق اهلی باغریقاندی یابن الحسن داریخدوخ
شاعر : جعفرصادقی مراغه ای
متن مولودی ترکی حضرت امام زمان (عج)
گوز یاشیمی او چشمه حیوانه ویرمرم
بو گنج عشقی گوهر و مرجانه ویرمرم
بیر دُردور که قیمتی یوخدور جهانیده
چوخ پر بهادی قیمت ارزانه ویرمرم
غم چولقویوبدی قلبیمی ، باران اشکیمین
بیر قطره سینده وسعت بارانه ویرمرم
یارین غمینده نی کیمی دائم سزلدورام
دردیم یاماندی ناله می پایانه ویرمرم
آغلار گوزوم باخور یولونا مین امیدیله
من خرمن امیدیمی طوفانه ویرمرم
بیر عمردور که منتظرم من او سروره
تا گورمیونجه جانیمی جانانه ویرمرم
مژده گتیرسه باد صبا گر شمیمینی
بیر شمه سین شمیم گلستانه ویرمرم
صبحین نسیمی شانه ووران قاره زلفونون
بیر تارینی چمن دولی ریحانه ویرمرم
لعل لبینده موج اییلین حق بیانینین
بیر کلمه سین صفوف سخندانه ویرمرم
گر قسمت اولسا خاک رهین توتیا ایدم
اول بیر دمی تمامی دورانه ویرمرم
هانسی مکانه قویسا قدم گلستان اولار
ایله مکانی روضه رضوانه ویرمرم
باخسا منه گوزل باخشیلا یارم باخیش
اول لطفی من مین هدیه شایانه ویرمرم
(عتیق) یازوب اورک سوزونی (مدهوشیلن)
اولسا قبول اگر دُرِ غلطانه ویرمرم
استاد طهمورثی (عتیق) و جناب محمد هوشمند (مدهوش)
سرود ترکی و آذری ولایت و امامت حضرت امام زمان (عج)
سبک : شد خزان گلشن آشنایی
یابن الزهرا گل داده اماندی
شیعه لر هجرونده باغری قاندی
شیعه لرون مولا_گل یوزووه قربان
گوزیاشی قان اولدی_ای شه انس وجان
هارداسان ای زهرایه نشانه
آغلاروق هجرونده یانا یانه
یابن الزهرا
هارداسان گل ای صاحب زمانه
چک قلم بو طولانی هجرانه
گل یتیش امداده_شیعه لرون تکدی
حسرت الی قالدی_سینه ده یامهدی
ای باشینا قاره باغلیان گل
جدینه دایم قان اغلیان گل
یابن الزهرا
بوغم شیعه نی درده سالوبدی
زینبون قبری باغلی قالوبدی
گوزلریمیز قالدی_قبرینه گل حسرت
گل ئوزون امداد ایت_قورتارا بو محنت
قالدی رقیه مزای باغلی
سینه عشاقی قالدی داغلی
یابن الزهرا
ای شمس ولایت گل نورون سال
فاطمه قبری اوسته لایلای چال
فاطمه نون مولا_قبری قالوب گیزلین
قبرینی نشان ویر_شیعه توزون سیلسین
فاطمه قانی قالوبدی یرده
شیعه نی بو غصه گتدی درده
یابن الزهرا
گوزلر یولوندادی سن گله سن
ریشه ظلمی یردن کسه سن
صاحب شمشیر_شیرخدا سن سن
حامی سلطان_کرب وبلا سن سن
اصغرین حلقی سه شعبه بیراوخ
یازماقا بو ظلمی طاقتیم یوخ
یابن الزهرا
تا دگدی اوخ بوغازینا گولدی
آتا قوجاقیندا بالا ئولدی
یات دیدی جان بالا_عجب سو ایچدون سن
خیمیه نه نوعی_سنی اپاروم من
قالوبدی آواره شاه خوبان
حسینه ال چالدی قوم عدوان
یابن الزهرا
شاعر : متقی تبریزی
شعر ترکی برای مولودی امامت و ولادت حضرت امام زمان (عج)
ای گل یوزی گولدن گوزل
لعل لبون شیرین عسل
سنسن گوزلردن گوزل
یابن الحسن یابن الحسن
ای شاهکار لم یزل
ای مطلع صبح ازل
بس هارداسان امداده گل
یابن الحسن یابن الحسن
ای حجت ثانی عشر
قالدی یولوندا دیده لر
اولدی اورکلر خون جگر
یابن الحسن یابن الحسن
ای افتخار شیعیان
عاشقلر اولدی باغریقان
پس هارداسان شاه شهان
یابن الحسن یابن الحسن
دنیا پریشاندور آقا
دللر دولی قاندور آقا
گل شیعه گریاندور آقا
یابن الحسن یابن الحسن
هجرونده یاندوخ گلمه دون
سولدوخ سارالدوخ گلمه دون
دای بیز قوجاادوخ گلمه دون
یابن الحسن یابن الحسن
ای شیر یزدان اوغلی گل
عطشان حسینون اوغلی گل
اون بیر امامون اوغلی گل
شعر ترکی حضرت امام زمان (عج)
ای ولایت اهلینون مولاسی یا صاحب زمان
نخل توحیدین گل رعناسی یاصاحب زمان
گل زمان طوفاندی ای عصروزمانین صاحبی
سندن ئوزگه یوخ بوگون اسلامیانین صاحبی
گل جهانی روشن ایله ای جهانین صاصبی
تاقورولسون معدلت شوراسی یاصاحب زمان
گل ییغیشدیر دهردن کفر و ظلالت پرچمین
ویر هامی عالملره حق وعدالت پرچمین
نصب ائله هریاندا اسلامین اصالت پرچمین
دولدورا دنیانی حق آواسی یاصاحب زمان
ای ولی الله اعظم حجت کبرای حق
وی قویان باشه شرفدن تاج کرمنای حق
ای امام کون وامکان آیت عظمای حق
کایناتین باعث ابقاسی یاصاحب زمان
یئریوزونده ای جلال کبریا نین وارثی
انبیانین جانشینی ، اولیانین وارثی
هارداسان گل ای شهید کربلانین وارثی
قوی گورونسون کربلا غوغاسی یاصاحب زمان
سن بوگون ارض وسمانین باعث ابقاسی سن
واقعی صلح جهانین ضامن اجراسی سن
دردمندان زمانین ملجاء و مأواسی سن
ای هامی مظلوملارین ملجاسی یاصاحب زمان
روزگاری غم دوتوب ای روزگارین صاحبی
کسمه فیض لطفون ای خرد وکباریم صاحبی
ذوالفقارون آل اَله ای ذوالفقارین صاحبی
صلحه بسدی تیغیوین ایماسی یا صاحب زمان
ای جهانین صاحبی تئزگل جهان آلماقلیقا
ادعا صاحب لریندن امتحان آلما قلیقا
جدوون قانین توکنلردن ده قان آلما قلیقا
جوشه گلسین بیرده قان دریاسی یاصاحب زمان
کربلاده کوفیان ظلمونده طغیان ائتدیلر
آل طاهانین مبارک خاطرین قان ائتدیلر
ظلمیله انصاردینی قانه غلطان ائتدیلر
هرشهیدین دوغرانوب اعضاسی یا صاحب زمان
غصه دن اهل ولانین خاطری قان اولدی گل
ظلمیله ای مصلح عالم بو عالم دولدی گل
صرصرِ ظلمیله دینین گلستانی سولدی گل
سلب اولوب اسلامیان یاراسی یا صاحب زمان
سیدی سنسن بوگون اسلام ودینین عزتی
مفخرعرفان و قرآن مبینین عزتی
گل بنای کفری ییخ ای مومنینین عزتی
بوگونون بولسونله وار فرداسی یا صاحب زمان
خائن اللرتفرقه سالماقداطغیان ائلییب
دین آدیلا قصد جان اهل ایمان ائلییب
قارداشی قارداشه دشمن قوم عدوان ائلییب
گل گئدیب قارداشلیقین معناسی یا صاحب زمان
سالدیلاربیگانه لر قارداشی قارداش جانینه
دشمن ایمندی ، دوشن ، یولداشدی یولداش جانینه
گل بوقدری قویما اسلامین دگه داش جانینه
تار اولا اسلامیان دنیاسی یاصاحب زمان
سیدی اسلامی امتلرده وحدت قالمیوب
درک ائداخ ضربت بیزه هارداندی فرصت قالمیوب
خلقلرده عدل و انصاف ومروت قالمیوب
یوخدی دنیانین مگرعقباسی یا صاحب زمان
سالمیری یاده چوخ انسانلار عذاب آیاتینی
چوخلاری یاددان چیخاردیبلار حساب آیاتینی
ایلیوب انکارچوخ چوخلارحجاب آیاتینی
یوخدی غیظ حقدن پرواسی یاصاحب زمان
باغلانیب احبابه امید و رجانین یوللاری
سیدی وارسنده هردرده دوانین یوللاری
بیرنظرقیل امن اولا کرب و بلانین یوللاری
اویولون اُلموش حزین شیداسی یاصاحب زمان
شاعر : حیدرخسرو شاهی (حزین)
شعر ترکی مناجات با حضرت صاحب الامر امام زمان (عج)
گوزوم یاشین کونول قانیله مرجان ایتمییم نینیم
بو آق دری شبیه لعل جانان ایتمییم نینیم
قوروموش نی کیمی هربند بندیمدن چیخار ناله
اسیر بند عشقم آه و افغان ایتمییم نینیم
چکیبدور سینه مه دود سیه تک آیریلوق داغی
بناسین تیشه آهیله ویران ایتمییم نینیم
انیسیم دردومحنت ، مونسیم غم همدمیم ناله
بوجمعیتله دنیانی پریشان ایتمییم نینیم
دوتولموش خاطریم گور اهل شهرون ازدحامیندن
بویور مجنون کیمی عزم بیابان ایتمییم نینیم
گوزوم یاشی آخار هجرینده مروارید غلطان تک
اونی خون جگرلن قانه غلطان ایتمییم نینیم
دیللر شربت لعل لبون هردرده درماندور
بولورسن اهل دردم میل درمان ایتمییم نینیم
منی بیجا یره ایلر مذمت زاهد بی دین
گورنده کفر زولفون ، ترک ایمان ایتمییم نینیم
ایدیبدور باغریمی قان لبلرون قوی بیر ایچیم قانین
بو باشسیز مملکتده قانیمه قان ایتمییم نینیم
یقینیمدور اورکدن چیخسا پیکانون ، چیخار جانیم
گوزل جان تک اونی سینمده پنهان ایتمییم نینیم
منی یالقوز گورنده تُرک مستین قصدجان ایلر
خط و خالون خیالین مونس جان ایتمییم نینیم
بو بازار محبت ایچره صراف تهیدستم
یتیم در اشکی زیب دکان ایتمییم نینیم
شاعر : مرحوم حاج رضا صراف تبریزی
